Croeso i Grŵp Colegau NPTC
Mae llawer o wybodaeth y bydd arnoch ei hangen i ddechrau yn y coleg, a bydd y canllaw yma’n eich helpu i ddechrau arni. Edrychwch ar ein rhestr wirio ddefnyddiol i sicrhau eich bod wedi rhoi sylw i bopeth.
This guide is also available in English.
Byddwch wedi cael eich cerdyn ID pan wnaethoch ymrestru. Mae'n bwysig eich bod yn ei wisgo bob amser ar safle'r coleg fel ein bod yn gwybod eich bod yn fyfyriwr ac yn cael bod yn y coleg.
Mae eich cerdyn myfyriwr hefyd yn allwedd sy'n rhoi mynediad i chi i rai adeiladau. Rhaid i chi gofio'ch cerdyn bob amser i gael mynediad i'r coleg.
Bydd angen eich cerdyn myfyriwr arnoch hefyd i ddefnyddio’r argraffwyr a'r llungopïwyr, benthyca llyfrau o’r llyfrgell a derbyn ciniawau am ddim os ydych yn gymwys ar gyfer hynny (ac i gael eich gostyngiadau myfyrwyr!)
Os na wnaethoch dderbyn cerdyn pan wnaethoch ymrestru, rhaid i chi fynd i'r llyfrgell i gasglu un ar eich diwrnod cyntaf yn y coleg.
Os ydych yn anghofio eich cerdyn, mae rhaid i chi fynd i’r Dderbynfa i gasglu sticer Adnabod dros dro.
Gofalwch am eich cerdyn. Mae tâl o £5 am gardiau newydd yn lle rhai sy'n cael eu colli.